విదేశీ విద్యానిధి పథకం దరఖాస్తు గడువు పొడిగింపు

* జిల్లా షెడ్యూల్డ్ కులముల అభివృద్ధి అధికారి సజీవన్

అంబేద్కర్ ఓవర్సీస్ విద్యా నిధి పథకం క్రింద విదేశాలలో ఉన్నత చదువులకు అందించే ఆర్థిక సహాయం కొరకు దరఖాస్తు చేసుకునేందుకు గడువును పొడిగించడం జరిగిందని జిల్లా షెడ్యూల్డ్ కులముల అభివృద్ధి అధికారి సజీవన్ ఒక ప్రకటనలో తెలిపారు. అంబేద్కర్ ఓవర్సీస్ విద్యా నిధి పథకం ద్వారా షెడ్యూల్డ్ కులాల విద్యార్థిని విద్యార్థులు ఉన్నత చదువులకు ఆర్థిక సహాయం కొరకు ఈ నెల 29వ తేదీలోగా ఆన్ లైన్ లో https://telanganaepass.cgg.gov.in వెబ్ సైట్ ద్వారా దరఖాస్తు చేసుకోవాలని తెలిపారు. అమెరికా, ఇంగ్లాండ్, స్విట్జర్లాండ్, కెనడా, న్యూజిలాండ్, సింగపూర్, సౌత్ కొరియా మొదలగు దేశాలలో ఉన్నత చదువులకు వెళ్ళవచ్చని, ఈ అవకాశాన్ని అర్హత గల అభ్యర్థులు సద్వినియోగం చేసుకోవాలని తెలిపారు.